Eskoriatza

Maiatzeko ohiko udalbatza egingo da bihar arratsaldean

Maiatzari dagokion ohiko udalbatza egingo da bihar arratsaldean (18:00) pleno aretoan, hainbat aztergairekin: dirulaguntzen 2024-2027 Plan Estrategikoaren 1/2025 aldaketa; udal lokala Aldaipe elkarteari prekarioan lagatzea; Esnargi Koop. Energia komunitatean bazkide laguntzaile izateko erabakia eta egin beharreko kontratua onartzea; Udal lokala Esnargi kooperatibari prekarioan lagatzea; Itelazpirekin erakundeen arteko hitzarmena sinatzea irrati-komunikazioari buruz. Udal titulartasuneko ondasunen erabilera pribatiborako istrazio emakida esleitzea; 9/2025 kreditu aldaketa espedientea; Onartutako eskubideei baja ematea; Udal honen betebeharrak ordaintzeko aurreikusitako epeak betetzeari buruzko hiruhileko txostena (merkataritza eragiketetan berandutzaren aurka borroka egiteko neurriak ezartzen dituen abenduaren 29ko 3/2004 Legea aldarazten duen uztailaren 5eko 15/2010 Legearen 4. artikulua); Lanpostu zerrendaren eta plantilla organikoaren 2025. urteko bigarren aldaketa. Lanpostu berriari euskarazko hizkuntza eskakizuna izendatzea.