Berdintasunerako Lege berriaren aurkezpen publikoak egingo dira EAEko hiriburuetan

Emakunde Emakumearen Euskal Erakundeak 'Emakumeen eta gizonen berdintasunerako eta emakumeen kontrako indarkeria matxistarik gabeko bizitzarako Legea' aurkezteko informazio saioak antolatu ditu Euskal Autonomia Erkidegoko hiru hiriburuetan. Saio horietan, lege berriaren ekarpen garrantzitsuenak azalduko dira.

Legea Eusko Legebiltzarrak onartu zuen 2022ko martxoaren 3an. Informazio saioak irekita egongo dira bertaratu nahi duten guztientzat ('streaming' bidez ere zabalduko dira Irekiaren bidez): apirilaren 4an Gasteizen egingo da, 11:30etik 13:00etara; 6an Bilbon, 17:00etatik 18:30era; eta 7an Donostian, 16:00etatik 17:30era. Honako esteka honetan eman daiteke izena: htt

Emakundek jakinarazi duenez, berdintasun politikak garatzeko baliabide ekonomikoak, giza baliabideak eta baliabide teknikoak indartzea aurreikusten duen legea da 'Emakumeen eta gizonen berdintasunerako eta emakumeen kontrako indarkeria matxistarik gabeko bizitzarako Legea'.

EAEko sektore publiko instituzional osoan funtsezko elementuak sustatzen ditu berdintasun politikek aurrera egiteko, hala nola planak, zerbitzu espezializatuak eta langileen prestakuntza; ikasgeletan hezkidetza lana indartzen du; neskei, haurrei eta nerabeei babes handiagoa ematen die indarkeria matxistaren aurrean; eta emakumeen aurkako indarkeria goiz detektatzeko sistemen hobekuntza dakar, baita haien erreparaziorako, beste askoren artea

• Temas
• Zabalik
• Emakumeak