Mutriku

Futbol taldearen Bazkide Eguneko bazkarirako izena eman daiteke jada

Mutriku Futbol Taldeak Bazkide Eguna ospatuko du ekainaren 21ean egitarau zabalarekin.

Hasteko, klubaren harrobiko gaztetxoek lagunarteko partidak jokatuko dituzte San Migel futbol zelaian eta bazkideentzat hamaiketakoa egongo da (doanik).

Ondoren (15:00etan) bazkideen bazkaria izango da Egañaneko frontoi berrian (bazkalostean klubak denboraldiko sariak banatuko ditu). Bazkarira joateko interesatuek dagoeneko eman dezakete izena, klubak online zabaldu duen formulario baten bitartez.