Lasarte

Udaletako euskara zerbitzuak elkarrekin topo egingo dute Lasarte-Orian

Ostegunean hasiko da Udaltopen hamazazpigarren edizioa Manuel Lekuona kultur etxean. 'Nahi izatetik, ahaldun izatera. Zer eta nola egin dezakegu udalerrian hiztunak ahalduntzeko?' izenburupean, maiatzaren 22an eta 23an, ostegun eta ostiralean, izango da. Udaletako euskara zerbitzuak elkarrekin topo egiten duten topaketa da Udaltop eta bi egun horietan gogoetagai horien bueltako oinarri teoriko, ikerketa eta praktika onak elkartrukatzen ari tuko dira.

«Euskal Herri osoko euskara zerbitzuak elkartzen gara Lasarte-Orian, eta hemendik aurrera, baita Udaltopeko webgunean ere. Euskal Herriko euskara zerbitzuen mapa osatzen hasi gara. Guztira,170 bat euskara zerbitzuen informazio praktikoa jaso dugu: telefono zenbakia, posta elektronikoa, webgunea, eta abar. Gaurtik aurrera guztion eskura izango dena eta aberasten zein eguneratzen joango garena», adierazi dute antolatzaileek.