Intsektuen hotela

Ekosistema naturalek eboluzionatzen dute denboran zehar oreka bilatuz, eta ekosistema horren oreka ez aldatzea da, La Salle San Luisen, gure betebeharra. Horretarako, nekazaritza ekologikoan, nekazaritza naturalean eta biodinamikan oinarritzen gara. Gure baratzeko espezieen kopurua handitzeko teknikak kontuan hartuta, 'Intsektuen Hotela' izeneko proiektua abian jarri dugu: animalien presentzia sustatu nahi dugulako neguko aterpeak eskainiz. Erreportaje honetan Gure Eskolarentzat kontatzen dugun bezala DBH4-ko talde batek informazioa jaso du aurkezpen batean LH3-ko ikasleei azaltzeko eta baratzera joan dira intsektuak ikustera.

Hau da helburua: «Gure biodibertsitatearen garrantzia ezagutzea eta nola babesten den ikastea, gure ikastetxea osatzen duten pertsona guztiek elkarlanean aritzeko». Hari horretatik abiatuta, ikastetxearen iraunkortasunaren alde egiten duten balioak sustatu nahi ditugu.

Ahozko komunikazioa, hitzik gabekoa eta digitala, modu osagarrian erabili ditugu. Ahozko komunikazioa landu dugu hoteleko materialaren erabilera prestatzean, taldeka antolatzean, eta abar. Hitzik gabeko komunikazioari dagokionez, 3. mailako ikasleek sortutako proposamenak aurkezteko modu osagarrian lan egin dugu. Azken txosten hori aurkezterakoan, gorputz-adierazpenaren teknika desberdinak erabili behar izan ditugu komunikatzeko.

Azkenik, komunikazio digitalari dagokionez, intsektuen hotelaren eta gure inguruneko fauna eta floraren beste aurkezpen bat egin dugu. Lehen Hezkuntzako ikasleei dagokienez, hauen informazioa eta irudiak bilatu dituzte. Zehazkiago esanda, hauek izango lirateke gure helburu garrantzitsuenak: inguruan duguna baloratzea, talde-lana bultzatzea eta eguneroko esperientziatik ikastea.

Egindako lanaren bidez, bi taldeek ingurumenaren faunaren ezaugarriak, beharrak, zaintzak eta sailkapena aztertu ditugu. Biodibertsitatearen esanahia eta garrantzia bereganatu dugu. Ikasle txikienek hotelaren jarraipena zainduko dute, zer animalia mota hurbildu diren eta non egon diren aztertuz. Gainera, txosten txiki bat aurkeztu beharko dute egoera eta jarraipena azaltzeko. DBHko 4. mailako ikasleek plangintzaren eta egindako lanaren ebaluazioa egin behar dugu, baita hobekuntzarako proposamenak egin ere. Ilusio handiz aritu gara!

Proiektu hau aurrera eramateko arduradunak halako hitzekin adierazi digu orain arte bizi izan duena: '«llusio handiarekin hasi genuen proiektu hau eta ez nuen pentsatzen hasieratik hain ondo konponduko zinetenik zuen artean, oso eroso sentitzen naiz emaitzekin».

Jasangarritasunaren izenean, jarrai dezagula halako ekimenak sustatzen, guztion ardura baita gure ekosistema orekan mantentzea eta indartzea. Hurbil gaitezen gehiago naturarengana!

• Temas
• Euskera