Jubilatuen eta San Kristobal egunak ospatu dira asteburuan

Larunbatean, ohiko legez, eta San Kristobal aitzakian, herriko kamioi eta autobus gidariek beraien santua omenduz bazkaria egin zuten. Ekitaldian, gidariez gain beraien bikoteek ere parte hartu zuten. Festa giroan, beraien lan arloko gauzetaz hitz egiteaz gain, bizipenak elkarbanatzeko aproposa izan ohi da bazkari hau, eta aurtengoan ere horrela izan da.

Eta igandean jubilatuen eguna ospatu zen, jubilatu elkarteak antolatuta eta udalaren, abesbatzaren eta txistulari zein dantzarien laguntzarekin. Eguraldia eta umore ona lagun, 110 kide elkartu ziren.

Horrez gain, aste honetan berriz ere Laredora joateko txangoan izen emate epea irekiko da ostegun eta ostiralean, 17:00etatik 19:00etara egungo jubilatuen elkartean. Irteera, uztailaren 21ean, osteguna izango da.

• Temas
• Zegama