Julen Gabirondo, Gipuzkoako sega txapelduna Asteasun

Julen Gabirondo segalari urnietarrak 3.076 kilo belar moztu zituen ordubetean, eta Gipuzkoako txapeldun titulua berretsi zuen estilo tradizionalean, joan den igandean Asteasuko Bulano baserrian. Bigarren Jon Otegi (Oiartzun) izan zen 2.916,50 kg-rekin, hirugarren Iban Pardo (Zestoa) 2.904,50 kg-rekin, eta laugarren Mikel Lizartza (Tolosa) 2.636 kg-rekin.Finala Gipuzkoako Herri Kirol Federazioak antolatu zuen.

Protagonista berak lehiatuko dira Euskadiko Txapelketan, hilaren 17an, Aiako Andatza auzoan. Gabirondok bere seigarren txapela bilatuko du txapelketa honetan, 2015, 2017, 2018 eta 2021eko edizioetan nagusitu ondoren.

Igande honetan abiadura-proba jokatuko da Zizurkilen, 18:00etatik aurrera, Nekolako belazeetan, Gipuzkoako Abiadura Txapelketa.