Ezkio

Ekitaldi ugari San Miguel jaiak ospatzeko gaurtik aurrera

Dena prest dute ezkiotarrek aurtengo San Miguel jaiak ospatzeko. Urtero moduan egitarau zabala jantzi dute, dute ostegunetik igandera bitartean luzatuko diren festetarako. Ostegun honetan, goizeko 11:00etan ospatuko den meza nagusiarekin hasiko da aurtengo egitaraua. 17:00etan txokolatada izango da eta ondoren jaiei hasiera ofiziala emango dien txupinazoa. 19:00etan pintxo potea izango da txosnan. Egun osoan zehar Hektor Folk eta Gorka Valdes trikitilariak ariko dira giroa alaitzen.

Ostiralean, arratsaldean emango zaio hasiera, 16:00etatik aurrera jokatuko den umeen pilota txapelketarekin. 18:00etan, berriz, Ezkiora igoera bizikleta lasterketari emango zaio hasiera. 20:00etatik 21:00etara Joseto ta alayak elektrotxaranga arituko da, eta 21:30ean bertso afaria abiatuko da Aratz Igartzabal eta Aitor Mendiluze bertsolariekin eta Aritz Markinez eta Iker Sukia trikitilariekin. Gaueko 23:30etik aurrera elektrotxaranga aterako da berriro goizaldeko ordubata bitartean.

Larunbatean erromeria izango da egun guztian Hektor Folk eta Gorka Valdesekin, goizeko 11:00etatik aurrera. Baina lehenago, 10:00etan auzolanean bazkarirako mahaiak jartzeko hitzordua izango da. 12:30ean toka txapelketa jokatuko da eta 14:30ean bazkari herrikoiari emango zaio hasiera, Euskal parrilaren eskutik. Ondoren bingoa. 17:00etan ume jolasak izango dira, eta eguna modu ezin hobean amaitzeko, 23:00etatik aurrera Trikidantz taldea arituko da.

Igandea izango da aurtengo festetako azken eguna. Goizeko 10:00etan meza nagusia ospatuko da. 10:30ean Izazpiko Igoera abiatuko da umeentzat, eta ondoren helduentzat. 12:30ean, berriz, Ibarrako Ikoroa eta Izazpe abesbatza arituko dira kantuan.

Arratsalderako, 18:00etatik aurrera, herri kirolak daude iragarrita eta asteburua behar den moduan ixteko, barrikotea guraso elkartearen eskutik 19:30ean hasita. Egun osoan zehar, goizeko 11:00etatik 21:30era Zalduatarrak trikitilariak arituko dira giroa berotzen.