Olentzero eta Mari Domingiren bisitak Mirandaolan izan dira

Zarautzetik, Zumaiatik eta Aiatik hurbildu dirabertaraino Jare Alex, Nahia eta Alain euren gurasoekin. Eskutzitza eta marrazkiak eskuetan zituztela, ikazkina eta bere lagunarengana jo dute lotsati, baina ilusio handiarekin kontu batzuk esateko eta argazkia ateratzeko.

Ez dira bakarrak izan Mirandaolako topaketan. Bergaratik Gaizka, Unax, Martin, Laia, Elene, Maider, Josu eta Unax izan dira. Neskatoak dotore jantzita eta apainduta, agertu dira Olentzero eta Mari Domingiren aurrean. Opariak erama zizkien gainera, eurek egindako marrazkiak prest zituzten emateko, idatzitako eskutetzekin batera. Garbi zuten zer eskatu behar zieten aurtengoan eta ez zuten erreparorik izan eurekin solasteko gurasoak zain zituzten bitartean argazkia ateratzeko. Maider eta Nora bergararrak ere gaurko eguna aukeratu dute Olentzerori eta Mari Domingirekin elkartzeko eta agurtzeko, euren gustoko opariak eskatzeaz gain.

Xabier Urrestillatik joan da arreba eta gurasoekin Brinkolara. Besoan mina hartuta egon arren, ederki moldatu zen bere eskaerak jasotzen zituen papera emateko eta ez du aukera galdu ikazkinarekin hitz egiteko. Ondo portatzeko esan dio Olentzerok, eta mutikoak irrifar handi batekin serio demonio esan dio baietz. Argazkia ateratzerakoan, Amaia eta Maria arreak ondoan izan ditu urrestildarrak.

Leku askotako haurrak izan dira Mirandaola burdinolan gaur goizean. Gasteiz, Abadiño, Durango, Zornotza,... eta beste leku batzuetatik ere hurbildu dira Olentzero eta Mari Domingiren etorreran egoteko. Egun handia bitartean, Gabon Gaua bitartean, asteburu eta jai egunetan espero dituzte berriz ere ikazkina eta sendabelarrak hain gustuko dituen emakumea.

Gainera, bisita bakoitzean, Mirandaolako burdinolan Ana ipuin kontalariak saio ederra eskaintzen die haurrei. Burdinolaren historiaren aipamena egiteaz gain, Olentzero eta Mari Dominginen kontuak aipatzen dizkie. Gainera, Anarekin batera Burdintxo ezagutzeko aukera dute haurrek eta primeran pasatzen dute honen txatxekin.

Mirandaolako Gurutze Deunaren Kaperaren ondoan dagoen burdinolan izaten da topaketa, eszenatoki bikainean ametsak gauzatzeko hain urruti, baina gertu dagoen egun berezia iritsi baino lehen.