Getaria

Karmengo Amabirjina atera zuten arrantzaleek

Igande eguerdian Arrantzaleen Eguna ospatzen zenez ohitura zaharra jarraituz herriko arrantzaleek Karmengo Amabirjina Salbatore elizatik atera zuten, giro zoragarriarekin gainera. Lehendabizi Arrantzale meza egin zen elizan eta honen amaieran prozesioari ekin zitzaion. Herritar askok jarraitu zuten Karmengo irudia eliz barrenetik Artzaperaino eta han apaizak itsasora aterako diren arrantzaleak eta lurrean geratzen diren familiartekoak gogoan izan zituen eta denak bedeinkatu. Salbatore Abesbatzak ere abestu zuen.